اليوم رح اكتب عن تعنيف المرأة
سؤالي للرجل الذي يضرب زوجته، وللذي بيحكي معها كلام جارح.
أريد ان اسأله: شو بتحس لما بتضربها؟ انك رجّال؟ لا اعتقد انك رجل!
الرجولة ليست بضرب النساء، ولا بالحكي الجارح، ولا بقتلهم! عزيزي المعنِّف، أنت لست من البشر!!
المرأة ليست ضعيفة! إنها اذكى منك، ولكن جسديا اضعف من ناحية عضل الجسم. أما من ناحية التحمل والشغل، هي أقوى منك، وهذا معروف علميا!
أنت تستقوي على شخص لا يقدر الدفاع عن نفسه.
اما للمرأة، أقول لها: عند أول صفعة، اتركيه! ما تتحملي ظلمه!
المرأة عندها كرامة وعنفوان وأحاسيس ليست موجودة عندك! وهي ليست عبدة عندك، ولا سجينة، ولا خادمة! إنها أمك وأختك.
أنا عم احكي، لأنه كان عندي تجربة، والحمد لله – كنت عالبر!
بس ما قبلت. ولا بقبل حدا يهينلي كرامتي، مين ما كان يكون!
شلت قلبي ودعست عليه! ومشيت! وما اتطلعت خلفي، لأنه لازم تعرفي أنه اللي بمد ايده عليكي مرة وتسامحيه، وتقولي غلطة، ما تصدقي! رح يرجع يعيدها! وبعنف أكتر! وممكن – لا سمح الله – تودي أنه يقتلك.
بنسمع كتير نساء قتلها زوجها بلحظة غضب. ههه، قال غضب.
هيدا انسان مجرم! ما للكلمة معنى، لذلك ارجو من كل نساء العرب عدم القبول او الرضوخ للرجل بالتعاطي معك بقلة احترام او اهانة كرامتك!
انت امرأة قوية وذات عنفوان وشموخ.
ارفعي رأسك ايتها المرأة العربية!
