الفنون
تعالي!!
تعالي
ايوه انت
بشاور عليكي
حد قالك قبل كده انك ست قويه اوي …
انا!!
ايوه انتِ!!
اقعدي مع نفسك واسأليها
كام مره عدت عليكي مواقف
وانت لوحدك
وانت بكل قوه وصلابة
تفوقتي
وعديتيها
ولا إنسان شعر للحظه
انك خلاص
بتنتهي
لكن في لحظه
شديتي نفسك بنفسك
ولملمتيها
وبكل قوه
طبطبتي علي روحك
وطمنتيها
بتدوري جوه نفسك …
ايوه!!
شيفاكي
اصل عايشه جواكي
كام مره اتخذلتي
ولا قولتي ..
سابوكي في أول المشاور
ومحدش عداكي
وشوفي كام فرحه
كانت بترفرف في قلبك
وطفوها بنار الغل
ولا قالو يا ملاكي
…
استني هنا
انا هقولك
اللي بيدوْر في عقلك
والصوت اللي بينده جواكي !
بتقولي دائما جدعه
مع اللي حواليكي
وبتتصرفي بكل طيبه وحنيه
لكن ايه اللي خلاكي
تنقصي من قدرك
فوقي!!
انت ست الستات
وست نفسك
واللي ما غلاكي
علي نفسك عليه
وصدقي هواكي
طالما راضيه بقيمتك
خديها وطيري في سماكي
اسمعي مني
