أم من يومي

ماما عندها ٦ سنين

شديتني من إيدي

لمحل لعب مش كبير

اختارت بيبي وببرونة

ولبس صغير كتير

ضحكت ضحكة طفولية

وفيها مكر كتير

قالتلي أنا هابقي ماما

وأنا عندي ٦ سنين

ه‍أكله

وأغيرله

واهتم بيه

شدتني أمومتها

اللي جواها طفل كبير

سألتها حاسة بأيه

هزت كتفها

وحضنت طفلها بقوه

وقالتلي معرفش

بس خايفه عليه

فكرتني بنفسي

وأنا بحضن عروستي

وعيشت معاها تفاصيل حلم كبير

كبرت

وكبرت عروستي

وصبرا

وتعبت عشانها ايام أمر من الصبر

وفي الاخر

حددوا حبي وحلمي وصبري

بهديه في يوم واحد

وسموه بالأم

لا لا

انا أم من وانا عندي كام يوم

وحبي وعطائي

ما يتحسبوش باليوم

أنا كل الدنيا

وعيدي كل يوم