أصول الروشنة
من توقع من البشر ضل
طول عمرك
هاتفضلي تنتظري
وتتوقعي ردود أفعال
من ناس معينة
في كل موقف بينكم
تنتظري
وتبني قصور من التوقعات
ده هايشكرني
ده هايحتويني
ده ها يسمعني زي ما انا بسمعه
ده هايغفل ليا زلاتي
زي ما انا بتغافل عن زلاته
ده هيكون في انتظاري
زي ما انا بنتظره بكل اشتياق
توقع يلي توقع
وفي لحظة
بتهدم كل التوقعات في عقلك وقلبك
وتصبح رماد قاتل
تخيلتي في لحظة
انك لو غيبتي فترة
مين ها يحتاجك
مين هايدور عليكي
مين هايشتقالك
التوقعات كتير
لكن في الغالب
اللي ح يلبيها قليل جدا
ارسمي ارضية ثابتة لتوقعاتك مع البشر
لكن ارسمي سقف عالي
بأحلامك يناطح السحاب
لأنها هتكون حقيقة
من توقع من البشر ضل
لكن فقط توقعي من نفسك
ولنفسك كل شئ
حتي لا تشعري بخيبات امل
ابحثي عن تحقيق توقعاتك لنفسك
حتي تشعري انت بالفخر والسعاده
وبكل قوة وعزم
ارمي توقعاتك للبشر
بعيدا عن مرمي نظرك
وضعي امام عينك احلامك انت
فمن توقع من البشر ضل
