أصول الروشنة
أرض واقع
ها تمشي خطوات كتير
تقعي وتقومي
بس في كل خطوة
هتتعلمي حاجات جديدة
مع كل وقعة هتقومي
أقوي من الأول
مفيش عثرة بتعدي
خدي بالك!!
وهي بتعدي بتعلم فيكي
بتقويكي
يمكن تبكي
يمكن تتوهي
لكن لما تفوقي من التوهة
هتلاقي رجلك واقفة علي أرض واقع
محددة مكان لهدفك
كتير مننا بيمشوا
وهما متخيلين
أن من أول خطوة
خلاص هما كده وصلوا
لتحقيق أهدافهم
لا
غلط
اسمحوا لي اقولكم
عفوا
لسه مشواركم كبير
ولسه الحلم قدامه كتير
عشان تحققي اللي نفسك فيه
لازم تتسابقي بخطوات كتير
وكل ما تقعي
رجلك تلمس
أرض الواقع
اوعي حد يخدعك
ويرميلك حبل من الخيال
وتفضلي تمشي ورا سراب
زي ما وجودك في الحياة
حقيقي
خلي خطواتك
حقيقة
وعلي أرض واقع
